'' كانو قاعدين فى مكان على النيل فجأه لقيته مسك ايدها بصتله بكسوف وبعدين بصت الناحيه التانيه''
_دى ايد بنات دى شبه الاولاد
=انا ايدى شبه الاولاد طب ابعد كده متمسكهاش
_لا لا خلاص اهدى هاتى ايدك
=لا وابعد كده انا عايزه اروح
_يبنتلمجانين خدى هنا دعاء بت يبت
=عايز ايه
_تعالى اقعدى ومتفضحيناش
=قعدت اهو لما نشوف اخرتها معاك ي ميضو الكلب
"قعدت جنبه وهو مسك ايدها برومانسيه كانت هتتكلم بس لقيت واحد بيقول...
(ايوه يعم الرومانسى)
"ساب ايديها بسرعه وبصلها بكسوف وزهرت غمزاته"
_بت قومى يالا نمشى
=ماشى يالا ههههه
"قاموا ومسكوا ايد بعض بتملك ومشيوا"
ــــــــــــــــــــــــــــــــــــــــــــــــــــــــــــــ
"يوم الفرح
=شيلنى
_بت بلاش دلع وادخلى يالا
=انا قولت شييييلنننننى
_مش قادر انتى تقيله اوووى
=انا تخينه طب ماشى انا اروح عند امى ولا تقولى تخينه ولا رفيعه
"مسكت فستانها ومشيت هو قعد يضحك وطلع يجرى وراها"
_دعاااء خدى يبت خلاص هشيلك مش عايز نكد النهارده
=شيلنى يالا عشان منكدش عليك واخليها ليله زفت على دماغك
_انا كان مالى ومال الجوازه دى تعالى يختى اشيلك صبرنى ياارب
=متدعيش على نفسك لتبقى صبار
_بت بت اسكتى عشان مقتلكش
"شالها ودخل بيها الشقه ورماها على السرير"
=آآآآه يبنلجزمه كسرتلى ضهرى
_احسن تستاهلى
=طب وسع عايزه اقوم
_هتروحى فين
=رايحه اغير هدومي عشان الفستان خانقتى اووى
_تحبى اساعدك
= لا ي قليل الادب شكرا
"جابت هدوم من الدولاب وخرجت غيرت هدومها ودخلت تانى الاوضه كان مستنيها"
_ايه اللى انتى لبساه دا
=بجامه ي ميضو بجامه
_بجامه.!! الصبر يااارب تعالى هنا يبت
"قعدت تجرى وهو جرى وراها لحد ما مسكها وخدها فى حضنه وقرب منها جامد"
_بتهربى منى ليه
=ااا احم انا انا
_ خلاص خلاص اهدى هنجتى ولا ايه هههه
=لااااااا ب.. بس
_بس بس اسكتى انا مستنى اليوم دا من زمان
"بصت عليه بكسوف وكانت هتبعد بس هو شدها لحضنه تانى و....
ـــــــــــــــــــــــــــــــــــ
(بعد سنه)
=ميضووووووووو يااااااض ي ميضوووووووو قوم ي كلب البحر
_اااايه اايه فى ايه ماااالك بتصوتى ليه
=انا بووولد يخربييييتك االللحقننننى
_طيب طيب اهدى ثانيه هتصل على امى
=امك مين ياااض بقولك بولد ودينى المستشفي بسرعاااه
_طب خلاص اهدى اهدى هنروح المستشفي
=اهدى ازاى آآآآه منك لله انت السبب انت السبب
"شدت ايده وعضتها جامد"
_آآآه آآه ايدى يبنتلعضاضه
=انا هوريك بنت العضاضه بجد لو مولدتش دلوقتى
_لا خلاص خلاص اهدى صبرنى يارب
"شالها بسرعه وجرى على العربيه ساق بسرعه لحد ما وصل المستشفى وراحت اوضه العمليات"
''بعد ساعتين الدكتور خرج وهى نقلوها لاوضه عاديه بعد ما فاقت من المخدر وودولها البيبى"
=بسم الله ماشاء الله شبهك اووى
_ما انتى قاعده في خلقتى اربعه وعشرين ساعه مش عايزاه يبقى شبهى
=بس بقاا متبقاش رخم وخد ولدك عشان انا تعبانه
_ سلامتك يروحى، حاضر هاتيه
=ماشى شكرا
_متخلنيش اتغابى عليكى ايه اللى شكرا دى
= خلاص ثانكس
_بت انتى حد غاصبك على الجوازه دى عشان تنكدى عليا كل شويه
=انت عارف انى بحبك وبادمنك بس هرمونات الحمل يابو احماااد
_ هرمونات حمل ايه انتى ولدتى خلاص وبعدين مين ابو احمد دا
=انت ابو احمد
_مين قالك انى هسميه احمد انا مش عايز اسميه احمد
=محدش خد رائيك انا اللى هسميه انا اللى شلته فى بطنى ٩ شهور وانا اللى تعبت فيه انت متعبتش فى حاجه
_انا متعبتش فى حاجه يستى حرام عليكي
=تعبت فى ايه انت هاا قول تعبت فى ايه
"حط ابنه على السرير قرب منها جامد"
_اقولك تعبت فى ايه
=لا احم خلاص بس انا عايزه اسميه احمد عشان يبقى معايا اتنين ميضو
_ماشى يستى احمد احمد انتى تؤمرى يام أحمد
*****************
لـِ/دعاء مصطفىٰ.
ليست هناك تعليقات:
إرسال تعليق
دمتم بخير