"لقد انقذنى حُبك"
&ازيك
=مين
&انا سيف جارك هنا ف البيت إلى قدامك
=اهلًا انا نور
___
&جارتى الحلوهه سرحانة فى اية
=خضتنى يسيف براحة كنت بفكر فى حاجة بس المهم انت عامل اية
&بقيت كويس دلوقتى
___
&موافقة نبقى صحاب ينور
=طبعًا يا سيف احلى صحاب كمان
___
_احكيلى عنة ينور عاوزة اسمعك
=أحكى اقول أية بس دا حاجة كدة جالى كانة عوض ليا عن كل الوحش إلى فات
_للدرجة دى بتحبية
=اكتر يورد انا عديت مراحل الحب من زمان
_طيب لية مش عاوزة تعرفية
=خايفة يكون مش بيحبنى و اكون خسرتة كصاحب و أخ
___
&عارفة النهاردة كام فى الشهر
=24/6 ليه
&اليوم دا مش بيفكرك بحاجة
=لا أية
&اول يوم اشوفك فية
___
&عارفة!
=لا عرفنى
&انا بحبك
=اية
&اية
___
&انا مسافر القاهرة يومين كدا تبع الشغل
=تيجي بالسلامة هستناك تكلمنى اول ما توصل
___
&وحشتينى
=و انت كمان و بمناسبة أنك نورت اسكندرية تانى بالسلامة عاوزة اقولك حاجة
&حاجة اية
=انا بحبك من اول يوم شوفتك فية بس كنت خايفة اقرب منك تكون انت مش شايفنى غير اخت بس
&دا احلى خبر فى حياتى و انا بموت فيكي يقلب سيف و قريب خالص هكون فى البيت عندكم بنقرا الفاتحة
___
/كملى ينور اية حصل بعد كدا
___
=عاوزاك النهاردة معايا عيد ميلاد ورد صحبتى و اختى و بالمناسبة اعرفك عليها
&أجهزى و رنى عليا هكون مستنيكي
___
=كل سنة و انتِ صحبتى و اختى و حبيبتى يا اجمل ورد فى الدنيا
_و انتِ طيبة و معايا يروحى
&كل سنة و انتى طيبة يا ورد
_و انت طيب، انتَ سيف اكيد مش كدا نور ملهاش سيرة غير عليك
=احم انا بقول يلا نطفي الشمع احسن
_ يلا يستى
___
=بكلمك من الصبح مش بترد ليه
&معلش ينور جيت متأخر ف نمت و لسة صاحى
___
=حاسة أن سيف مخبى عليا حاجة مش عارفة لية
_لا يحبيبتى سيف بيحبك ميقدرش يتغير معاكى اطمنى ممكن ضغط الشغل بس
___
/سكتى لية كملى
=مفيش يا دكتور بعد شهر لقيت الجرس بيرن
Flash Back
=حاضر جاية اهة
@ازيك يبنتى عاملة أية
=الحمداللة يطنط حضرتك عاملة أية
@بخير يحبيبتى انا كنت جاية اعزم مامتك على خطوبة سيف ابنى
=ايية
@انتِ متعرفيش ولا اية دا قايلى إن العروسة تبقى ورد صاحبتك
Back
=بعد اسبوع كانت الخطوبة تمت بس مقدرتش اروح مقدرتش اشوفة مع وحدة غيرى و دى مش اى وحدة دى ورد صحبة عمرى كلة
/مفكرتيش انك تبعدى تسافرى مثلا طول مهو قصادك و ذكرياتكم حواليكى عمرك مهتنسى
=مش عارفة يادكتور حاسة أن كل حاجة حواليا وقفت من اخر مرة
/انصحك بالبُعد، لازم تنسى صحبتك لازم تنسية هو كمان، روحى مكان تبدئي فى حياتك من جديد، مكان متعرفيش فية حد
=معتقدش هقدر ارجع زى الاول
/احنا مش عاوزينك ترجعى زى الاول لا عاوزينك ترجعى أحسن من الاول ترجعى نور القوية نور الى مفيش حاجة بتأثر فيها نور الى ضحكتها بتملى اى مكان تدخلة
=هحاول يا دكتور أن شاء الله و شكرًا لكل حاجة حضرتك عملتها معايا وساعدتنى بيها
/معملتش حاجة دا شغلى بس لو عاوزة تفرحينى فعلًا ف اسمعى كلامى و اتمنى انك تبقى احسن
/اكيد يدكتور اشوف وشك على خير
=مع السلامة
___
عدى شهر من بعد آخر مرة روحت فيها للدكتور وكنت بتجنب فيها انى اشوف سيف أو اعرف حاجة عنة أو عنها وبعد تفكير طويل قررت انى انقل كليتى فى القاهرة وأعيش هناك وأهلى رحبو جدا بالفكرة و فعلا بعد أيام بسيطة كنا فى شقتنا فى القاهرة
___
بعد فترة وف يوم كنت نازلة الجامعة بس كنت متأخرة فالمهم طلبت اوبر واول ما وصلت الكلية ببص فى الشنطة ملقتش الموبايل دورت علية كتير بس بردو مش موجود ف خلصت المحاضرات وروحت البيت حاولت اتصل لحد م جالى صوت حد
"مين
=حضرتك إلى مين دا تليفونى ووقع منى الصبح فى عربية اوبر وانا رايحة الجامعة
"تمام وأنا إلى وصلت حضرتك الصبح ممكن تقابلينى فى اى وقت وتاخدية
=شكرا جدا ليك هكلمك بكرا وأتفق معاك
"تمام مع السلامة
___
تانى يوم الصبح قابلتة وأخدت التليفون وشكرتة جدًا وتانى يوم بليل كنت قاعدة على الواتساب لقيت مسدچ من رقم غريب
"صاحية لية
=مين حضرتك
"انا عمر بتاع اوبر
=اة تمام فى حاجة
"لقيتك فاتحة قولت اشوفك صاحية لية دلوقتى
=كنت بذاكر وهنام دلوقتى تصبح على خير
"وانتِ بخير
___
فضل كل يوم بليل يكلمنى على الواتساب وبقيت كل ما اكلم اوبر هو الى يجي وكان بيهتم بيا دايمًا بس كنت على طول بكدب احساسى وعدت ايام وشهور و كنت نسيت سيف وورد إلى حدًا ما لحد ما اتفاجئت بعمر يوم بيقولى
"عاوز اقولك حاجة بس خايف
=قول فى اية على طول
"أنا بحبك و عاوز اعرف رأيك اية فيا
"مش بتردى لية
=معلش يعمر هقفل دلوقتى
___
بجملتة دى رجعنى نقطة الصفر تانى خلانى افتكر كل حاجة بعد ما كنت نسيت أو أقنعت نفسى انى نسيت فضلت فترة مش برد على مسدچاتة مهو صعب اغلط نفس الغلط مرتين و فى يوم بليل قررت اكلمة
=فاضى؟!
"اخيرًا رديتى عليا دا أنا لو مش فاضى افضالك
=اشمعنا أنا
"اشمعنا انتى أية
=لية أنا بالتحديد إلى حبيتها
"من اول مرة شوفتك لما كنتى متأخرة على الامتحان شوفت فيكي روح طفلة صغيرة نبرة صوتك و انتى بتكلمينى بليل علشان تسألى على التليفون مش عارف انساها ضحكتك سرقت قلبى اول ما شوفتها من يوم ما عرفتك و أنا مش عاوز اقولها غير و أنا متأكد لحد ما جهه الوقت و قولتها
=بس انت متعرفش حاجة عنى
"لو انتى عاوزة تحكى فا أنا هسمعك و لو مش عاوزة فا أنا ميهمنيش غيرك دلوقتى
=و انا هحكيلك كل حاجة
___
و فعلًا قولت كل حاجة قبل ما اجى القاهرة و قولتلة انى مش عارفة انا نسيت سيف فعلًا ولا لسة و هو وعدنى أنة يفضل جمبى لحد ما أحبة هو
___
تعبتة معايا كتير وكان دايما مستحملنى عمل معايا كل حاجة تثبتلى أنة بيحبنى و بعد تفكير طويل قررت اكلمة و اقول انى عاوزة اقابلة
"فى اية اول ما عرفت انك عوزانى جيت بسرعة طمنينى
=مفيش حاجة متقلقش عاوزة اشوفك إن كنت لسة عند كلامك و لا غيرتة
"كلام اية
=انك بتحبنى
"بعشقك مش بس بحبك
=وقررت اننا نعمل الخطوبة امتى أن شاء الله بقا
"نور انتى بتهزرى و لا بتتكلمى بجد
=أنا معاك بس رجعت أثق فى نفسى رجعت احبها تانى و متأكدة أن محدش هيجبنى قدك و متأكدة انى هحبك اكتر مع الوقت
"وسيف!
=كنت بحبة بس دلوقتى مفيش غير واحد بس فى قلبى و هو انتَ
"بكرا هنكون بنقرا الفاتحة
___
عدا سنة خطوبة و جهه ميعاد كتب الكتاب خلاص بس قبلة بكام يوم عمر قرر اننا نجيب الفستان من اسكندرية و فعلا نزلنا
=عاوزة اروح اشوف بيتنا القديم ممكن
"متأكدة
=ايوا و كمان اعزم الجيران هناك
و فعلا روحنا و طلعت شقة سيف و انا ايدى فى ايد عمر الباب فتح و كانت مامة سيف
=ازيك يا طنط انتى فكرانى انا نور عاملة اية
&الحمداللة يبنتى طبعًا فكراكى انتى عاملة أية ومامتك أخبارها اية
=كلنا كويسين، انا جيت ع اعزمكم ع فرحى انا و عمر اتمنى انكم تنورونا
___
يوم كتب الكتاب لقيت الباب بيخبط قومت افتح لقيت سيف فى البداية انصدمت بعدين اتكلمت، قولتلة اتفضل ودخل و انا ندهت عمر و طلعنا نسلم عليه
=اعرفك دا سيف جارنا فى اسكندرية
"نورتنا
&ممكن اتكلم معاكى ينور
=اكيد اتفضل عمر مش غريب دا كلها ساعات و يبقى جوزى
&انا اسف بالنيابة عنى وعن ورد احنا ظلمناكى كتير و عارف انك مريتى بفترة صعبة بسببنا بس ربنا عوضك بالاحسن فالاخر عوضك بواحد بيحبك بجد ومستعد يعمل اي حاجة عشانك، ورد مقدرتش تيجي و تواجهك هى بقالها اكتر من سنتين من بعد ما سافرتى بفترة وهى بتدور عليكي عاوزة تعتذرلك على كل حاجة بس انتى كنتى اختفيتى و عرفنا من الناس انكم نقلتم القاهرة بس معرفناش ندور عليكي فين بس انا جاى النهاردة وبطلب منك انك تسمحينا علشان خاطر نور الصغيرة حتى
=نور الصغيرة مين!!!
&نور بنتى انا وورد هتكمل سنة قريب
=قربت من عمر ومسكت ايدة وبصيت لسيف وقولت انا مسمحاكم من زمان من اول ما قابلت عمر علشان من غير إلى حصل مكنتش هقابلة و لا هحبة و لا هنوصل للحظة دى قول لورد انى مسمحاها و مستنية اشوفها هى و نور الصغيرة قريب
&كنت متأكد انك هتسمحينا شكرا اوى ينور وبص لعمر وقال مبروك ربنا يتمملكم على خير و خرج
___
جهه الليل و كل حاجة جاهزة و خلاص المأذون وصل و قال جملتة الشهيرة:بارك الله لكما وبارك عليكما وجمع بينكما في خير
ملقتش نفسى غير فى حضن عمر و بيهمس و يقول
"بعشقك اوى ينورى
=وانا بموت فيك يا قلب نور
