عارفك
قلبك مجروح
مفضوح دايما بالبوح
عن ناس بمشاعر كدابه
قافل بابك ع نفسك
بتفكر وبتسال نفسك
ملقتش للفرقه اجابه
وكانك واقف ولوحدك
بتحارب في جيوش بتعاندك
و نهايتك_ 100الف اصابه
ملعونه الفرقه الكدابه
ملعونه الصحبه الي تشدك
وتحطك في ظروف غلابه .
علي اي بتفكر يا حزين
ولوحدك قاعد سرحان
ع ناس كانوا حب سنين
و ساقوك مرر الخذلان
علي قلبك مكنوش باقين
ليه تشرب كاس الحرمان .
فوق يا ابني لنفسك بقي حبه
قوم دور علي ناس وأحبه
يكونولك كدا عزوه وبيت
ويكونوا السند الي يشيل
ضهرك لو يوم هيميل
هتلاقي الي يشيل احمالك
وهيسال فيك ايه او مالك
ويكونلك في غيابه اصيل
ولا يوم تلهيه اشغال
ولا يوم يكويك احزان
ودا أصله طبع الإنسان .
يديلك عمره لو حبك
ويشيلك للبر _امان
وياويلك من غدره_ إن كرهك
يسقيك سم التعبان .
وانا عارفك..
يا حزين مدبوح
بتعافر ف طلوع الروح
ومتبت في حباله الدايبه
وبتحلم احلام ورديه
وبتكتب في رسايل خايبه
بتفتح في جراح منسيه
وبتمسك في الناس السايبه
قلبت ف الذكره
شلت التراب عنك
علي وشك التجعيد
حفر الزمان كفك
ونسيت هدوم العيد
ولا عشت يوم سنك
الفرح لسه بعيد
والهم بييعلك
متعشم ف بكره جديد
والفرح يوصلك
#أحمد الجوهري
ليست هناك تعليقات:
إرسال تعليق
دمتم بخير