كتبت المحررة منة أحمد:
الأول عرفيني عن نفسك ؟
أنا اسمى بسمله رضا الشوربجى
انا من محافظه كفر الشيخ، مركز الحامول
عايشه فى ريف هناك
عندى15سنه فى تانيه ثانوى اصغر واحده فى دفعتى شعبه أدبى بدأت كتابه من أولى اعدادى كده بس انا كنت بحبها من زمان وبحب إلقاء الشعر
أهم الأعمال إلا شاركتي فيها؟
شاركت فى كذا كتاب إلكترونى وواحد ورقى اسمه واقع أليم بس صرخات قلم كان أول كتاب ورقى ليا ويعد فى حياتى لحظه فارقه لان كده أصبحت كاتبه على الورق مش بس كلام وكتبت كذا عمل وكذا روايه وأسست كيان إسمه صرخات قلم حباً فى اول كتاب ليا
من وجهة نظرك متي تبدأ الكتابة؟
الكتابه ملهاش عمر معين
أنا بشوف إن الكتابه دى شغلها الأساسى إنها تعكس شخصيتنا الكلام ال بنكتبه من غير مناخد بالنا بيبقى بينحت تفاصيل شخصيتنا وعساره كل ال مرينا بى أوقات القلم بيعبر عن حجات اللسان مش بيقدر ينطقها
لذلك فا أنا أعشق الكتابه بأصغر تفاصيلها وأنا على يقين دائما
أن الأشياء التى نفعلها من القلب بتوصل للقلب
وضعت بعض القوانين لنفسى أول مادخلت الكتابه أولها ان أى كاتب يقدر يكتب أحسن منى لكن محدش يعرف يكتب ذى
إذا كلامى مقدرش يأثر الكاتب فى عالمى الخاص فا أنا لا أستحق لقب كاتبه
لست الأفضل فى هذا المجال لكنى مختلفه لا أريد أن أكون نجمه بسيطه فى عالم الكتابه أريد أن أكون ألمع نجمه فىالسماء فى هذا العالم
هل الكتابة هواية أم صفة مُكتسبة؟
ذى مقولت فوق إن اى حاجه بنعملها من قلبنا بتوصل لقلوب الناس وطالما أنا بحب الكتابه أكيد تبقى متفردتش عليا فا أنا بشوف إن الكتابه تفضل أن تكون فى البدايه مجرد هوايه ثم نكتسبها مع الأيام
متي بدأتِ الكتابة؟
بدأت كتابه من أولى إعدادى وإتعلقت بيها ذياده بعدين ال حببنى فيها وشجعنى عليها هو قراءه الشعر وإلقائه شاركت فى كذا مسابقه شعر فى الأبتدائى فاكنت باخد المركز الأول وده شجعنى أكثر
لماذا بدأتي أن تتجهي لـ مجال الكتابة؟
حبيته حبيت الكلام ال بكتبه لانه طالع من قلبى لانه صادقه فاحبيت ان عدد كبير من الناس تطلع عليه
وقلت قبل كده ان طريقه للتعبير عن الذات ومرآه بتعكس شخصيتنا وطريقه تفكرنا
أول بدايتك في الكتابة كان في صعبات معاكِ وهل كان في نقد كتير وكلام غير محفز؟
البدايه كانت كويسه جدا لانها كانت فى نطاق ديق أهلى وصحابه كانوا كلهم بيدعمونى والصراحه من أول مابدأت على السوشيال وكده عمرى ماتعرضت لنقض أبدا وكتباتى كانت محبوبه للجميع بس برده ققول ان انا لو متعرضدتش لانتقاد مش هوصل وأصعب مرحله فى حيات اى كاتب المرحله ال فى النص دى لاتطلعه للقمه لايفضل ذى ماهو وانا الحمدلله من يوم مابدأت وربنا كارمنى الحمدلله
مين كان معاكِ في كل خطوة من بداية الطريق؟نفسى كانت معايا عزمتى وإصرارى كانت معايا
وبابا وأهلى شجعونى كمان إنى أكمل
تحبي توجهي كلمة للكٰتاب الجداد؟
خليك على يقين ان المجال ده مش سهل لازم تكون صادق مع نفسك فى الكلام ال بتكتبه لان لما بيبقى طالع من القلب بيبقى ليه نكهه مميزه
عايزه ققول اوعا تستسلم لاى نقد افتكر ان النجوم كل يوم بتستنى عتمه الظلام عشان تتألق وتلمع ومهما ذات ظلمتك هتلاقى الضوء ال فى أخر النفق
لو قدامك فرصة تشكري شخص هيكون مين وليه؟
بابا لأن هو ال دعمنى من وأنا صغيره على الموضوع الكتابه ده وإنشاء الله أبقى عند حسن ظنه فيه
ماذا يتوقع العالم من الكاتبه بسملة رضا؟
إنشاء الله لن أقدم للعالم غير مايليق بى ويليق بمبادئ وكل ماهو أخلاقى يلؤق بمجتمع إنتظروا الأقوى والأفضل
إحنا مش ابأحسن بس إحنا مختلفين والأختلاف يصنع التميز فايؤدى الى النجاح
ماهي أحلام الكاتبه بسملة رضا؟
أولا ان أحاول على أدد مقدر أثبت للعالم وجودى وأتألق ذياده فى عالم الكتابه وإن اى مجال أتوظف فيه فى المستقبل تبع دراستى يبقى متعلق بالكتابه فاهى ليست حروف بالنسبه لى هى تجرى فى شراينى
تحبي توجهي كلمة لشخص؟
أه لنفسى كونى قويه كونى أددها الحياه مهمتها إنها تكسرك وإنتى لها مادمت نويتى على الكفاح سوف تصلين إلى القمه ولو كنتى مكسوره الجناح
بإسمي وإسم الجريدة نحب نشكرك على الحوار الجميل دا
الله يخليكى أنا إستمتعت أكثر
جامد💜
ردحذفموفقه بإذن الله ☺️💙
ردحذف