اسمك:شادية نجاح
بدأت إزاي:كنت ف الإجازة اللي فاتت ف شهر ٢او٣كدا كنت ببقى قاعدة فاضية فبدأ أكتب في نوت خواطر وقصص وروايات بس ف الكراسات بس ونشرت على السوشال جزء صغير من كتاباتي في مجموعة صغيرة عملتها
إزاي اكتشفت موهبتك : زي ما قولت فوق كنت بحس بملل وحبيت أستغل الإجازة ف حاجه وأول حاجه نشرتها من كتاباتي كانت روايتي الأولى اللي كانت أسكريبت وأنا عملتها رواية طويلة (رواية دينية)ولكنها متوقفة حاليا
هل أول مبدأت كان في كلام مشجع:كان قليل بس كان حلو وبيفرحني
واجهت الإنتقادات إزاي:كنت بتجاهلها وبمشي لقدام وبحاول مش ألتفت ليها ومش كانت كتير كانت قليلة
مين كان دعمك:أصحابي ،والدتي،ناس بتقرأي لي من ع الفيس والواتس
بدأت تنزل كتاباتك أمتي ع السوشيال:من ٧شهور من وقت ما بدأت يعني
هل كان في سبب إنك تكمل في موهبتك: الأول كنت بحس بإحباط لأن مش كان فيه تشجيع كبير ولكن رغم كدا كان بيفرحني ولكن من حوالي شهرين بدأت أطور من نفسي وأهتم لأن كنت متخذة الموضوع كتسلية وتقضيه وقت ف حاجه وخلاص ولكن بدأت أطور من نفسي والسبب الأكبر هو حب زيادة التفاعل بدرجة كبيرة على كتاباتي وبالأخص إسكريبتاتي وناس كتير حبتها وبتستني أنزل جديد منها ودا أكتر رأي شجعني وكمان بدأت في الشعر ولقيت عليه تفاعل وحب ليه
إزاي بتحاول تطور من نفسك:بدأت في كورس للكتابة وقرأت قواعد لغوية وأي حد بيصحح أخطائي بقيت باتجنبها ع قد ما أقدر وأتحسنت ف دا كتير
تحب تقول للكتاب إلا لسه في البداية أي:خليك واثق فربنا أنه هيوفقك وهيكون معاك وخليك واثق في نفسك أنك هتقدر وأكيد هتوصل للي بتتمناه ف يوم
كلمني عن أعمال ليك قبل كدا:شاركت ف ٤كتب ورقية ( اللحن السرمدي - غريق- الكتاب الرابع لكيان نصوص عظيمة- وكتاب آخر لم يتم تحديد أسمه) وكتاب إلكتروني وشغالة صحفيه ف جريدة القمة وبدأت أساعد الكتاب وعملت صفحه لنشر حوارات لهم وتشجيعهم وبدأت أعمل كيان عشان أدعمهم بردو ولكن دول لسه قيد العمل عليهم
أنت راضي عن الحاجة إلا أنت فيها دلوقتي: أه وفرحانه بيها جدًا أن قدرت أطور من نفسي وأعمل كتابات تعجب ناس كتير في فترة قليلة
تحب تقول كلمة أخيرة: أوعى تيأس من نفسك وأمشي وراها وأهم حاجه تبقى واثق في ربنا ثم من نفسك كويس وتكون واثق أنك هتقدر وأكيد هتوصل بإذن الله
اتشرفنا بحضرتك جدا
أسرة جريدة مراسيل لدعم المواهب الشابة
بقلم المحررة: شهد كارم
ليست هناك تعليقات:
إرسال تعليق
دمتم بخير