كتبت: هدى شرف

_هتفضلي تعيطي لحد امتى؟

=وانتي مالك؟

_طيب خلاص هسيبك براحتك.

=لاااااع استني

_عايزة ايه؟

=انتي هتسبيني وانا بعيط؟!

_خلاص اديني مرزوعة جنبك لحد ما تخلصي

=يا تقل دمك، المفروض إنك البيست

_أيوة أنا لبست صح لبست في حيطة، أعمل إيه بقا؟

=تهتمي بزعلي وتسأليني بعيط ليه وتطبطبي عليا

_حاضر

"قمت قعدت جنبها وحضنتها وطبطبت عليها"

_ها بقا بتعيطي ليه؟

=وانتي مالك!

_قومي من وشي، برة، داهية أما تخدك.

=على فكرة دي أوضتي!

_اوكييييه، سلامو عليكوو

=هتسبيني وأنا بعيط؟

_يا تقولي يا أمشي يا أقتلك وأخلص

=على فكرة بقا انتي لو لفيتي الدنيا كلها مش هتلاقي صاحبة زيي

_نفسي والله ادعيلي بس

=.....؟

_هتقولي ولا امشي

=اقولك بس متهزقنيش؟ 

_وراكي مصيبة إيه؟

=ألاه! يابنتي لازم تثقي فيا شوية

_إيه إيه يا عنيا؟ اثق فيكي انتي!! لأ طبعاً هخش النار

=بتتريقي! "وعيطت تاني"

_طب خلاص باااس باااس متعيطيش.

=ماشي بس استني

"وقامت تشوف نفسها في المراية عشان تعرف هي حلوة وهي بتعيط ولا لأ! أنا مصاحبة هبلة أنا اقتنعت خلاص"

_على فكرة لو طلعت حاجة تافهة أنا مش هسكت المرادي ومش هسامحك كدا بالساهل

=حقك عليا

_حصل خير 

=أنا النهاردة وزنت نفسي

_وبعدين؟

=زدت أووووي "ورجعت تعيط تاني"

_طب بتعيطي ليه؟؟

=وانتي مالك

_يادي النيلة عليكي وعليا في ساعة واحدة

=خلاص والله

_انتي طولك كام؟

=١٥٥سم

_ووزنك؟

=١٥٠كم

_ياعيني، فاضلك ٥ كيلو وتبقي مربع.

=كرومباية بتتكلم؟!

_بت عيب

=طب قولي هنعمل إيه؟

_بصي احنا هنبدأ نمشي على دايت سوا ونشترك في جيم ونبقى قمامير تاني

=تمام حلو كدا

_بس نلتزم بقا

=اكيد طبعا اومال       

_شطورة

=وهيكون عندي عزيمة

_برافو

=بصي أنا هبهرك

_اتمنى

=مش هيبقى ورايا غير دايت

_ورياضة

=ورياضة

_ودايت

=ها بقا هنتعشى شاورما سوري ولا بيتزا ايطالي؟

_....؟

=برجر طيب؟

_.....؟

=يابنتي

_......؟

=انتي بتعيطي ليه؟

_وانتي مالك!

 *هدى_شرف*

كتبت: رواية المزغوني

"العفه من الحب الحرام"

الحب الحرام بيمنع حب ربنا ومعنى الحب الحرام انك تتكلمى مع شخص غريب وتقولوا كلام حب وغرام وعشق وكل ده تحت مسمى اننا بنحب بعض ومنقدرش نستغنى عن بعض وهو وعدنى انه هيتجوزنى والكلام ده كله اولا ي حببتى هو لو بيحبك بجد هيخاف عليكى ومش هيخاف عليكى من الناس بس لا دا هيخاف عليكى من نفسه قبل الناس لو بيحبك بجد هيدخل من الباب ع طول دا لو عايزك فعلا وبيحبك ومافيش حاجه اسمها دا هيكون نفسه والكلام ده هو لو بيحبك بجد هيعمل المستحيل عشانك مش هيقعد يقضيها شات معاكى ويكلمك ف حجه انه لسه بيكون نفسه لا يحببتى انتى اغلى من كده بكتير وبعدين لازم تحطى ف اعتبارك ان مافيش شاب ممكن يرتبط بواحده وحياتهم تكون سعيده هو كلمها وقالها كلام حب وغرام قبل كده 

وثانيه واحده اننتوا بتحبوا بعض زى مابتقولى ومش هتسيبوا بعض انتى ضامنه قلبك وقلبه ضامنين ان الظروف متتغيرش ضامنه اهلك واهله اكيد لا وحتى لو ضامنه كل الحاجات دى ليه انتى تقبلى بحب حرام ليه متستنيش الحب الحلال اللى ربنا هيعوضك بيه لازم تعرفى ان ربنا مش بيبارك ف الحاجه الحرام يعنى حتى لو اتجوزتوا هيبجى عليكم فترات مش هتحسى بالسعاده والامان وطبعا زى مقولتلك انك تكلمى شاب ف الفون او شات ده حراااااااااام والدليل ع كده قول الله سبحانه وتعالى ((ولا متخدات اخدان)) بمعنى ان مينفعش ولاد وبنت اغراب يكونوا ف خلوه وكلمكم ف شات يعتبر خلوه لان محدش شايفكم غير ربنا كمان هو هيقولك كلام مش من حقك تسمعيه وانتى هتقوليله كلام مش من حقه ان هو يسمعه هتقولى لا احنا بنتكلم ف حدود وكده هقولك بس احنا قلبوبنا بطبعها ضعيف والشطان هيعرف يدخلنا بسهوله وكمان احنا بطبعنا بنميل للى بيهتم بينا يبقى كده هنبدا نضعف واحده واحده وممكن تحصل حاجات مش تمام وحاجات احنا في غنى عنها فانا هقولك الحل انك تسبيه تتركيه لله هتقولى انا بحبه ومش هقدر استغنى عنه هقولك لازم تقاومى نفسك لان رضا ربنا يستاهل انك تقاومى والجنه مش ببلاش عارفه انك هتتعبى في الاول وده شى طبيعى جدااا بس مع الوقت هتتعودى مش غلط ولا حرام انك تحبى بس الغلط انك تعملى حاجه تغضبي بيها ربنا حبيه مقولتلكيش لا بس حبيه بينك وبين نفسك ادعى بيه ف الصلاه واتاكدى ان ربنا هيستجيب وهيكون من نصيبك ده لو خير ليكى لو مكنش من نصيبك اتاكدى ان ده خير بردو  

هتقوليلى ده ممكن ينسانى هقولك اللى بيحب بجد مش بينسى وهو لو بيحبك بجد هيعافر وهيعمل المستحيل ع تكونى حلاله ومتنسيش ان مافيش احسن من عوض ربنا لينا المهم اننا نحسن الظن بيه طهرى قلبك ونقيه وخليكى دايما ف طاعه ورضا ربنا وخليكى عندك ثقه ويقين بربنا انتى غاليه جداااا بلاش ترخصى نفسك يحوريتي.

#ربنا يراضينا وريرضى عننا جميعا ويحفظنا من كل سوء. 

#راوية المزغوني "الأميرة الصامتة"

كتب: محمد قدري

*ذكرى حب منهك*

اليوم أتممت العام الاول بدونك، لقد عانيت في هذا العام بشدة كأني أسبح ضد تيارٍ جارف، اليوم أنا أعلن تخطي مرحلة الوجع التي أنهكت روحي، ومزقت قلبي، اليوم كل شيء يبدو جميل عَداكِ، اليوم أنظر إليكِ وأنتي تحملين طفلة جميلة، ورائعة في كل شئ إلا أنها إبنتك، اليوم أرى الشمس مشرقة على أرضي؛ لتعلن بداية جديدة، هناك من يلوح لي بأنه يحبني كثيرًا، هناك العديد من الجميلات اللواتي يتمنون إشارة من قلبي، اليوم عرفت أنكِ كنتِ لا شيء صنعت منه كل شيء، اليوم أنظر إليكِ، وكأنك شخص عادي مجرد من تفاصيل الجمال، اليوم لا ذكرى لكِ سوى بعض الألآم، لقد كنتِ وهمًا، وهمًا صارعت من أجله، وحاربت الجميع خسرت الكثير من أجلك، ولكن كنت مخلصًا صادقًا من أجلك، فماذا فعلتي من أجلي؟ إن خسارتك الكبرى لا تكمن في شخص يحبك مثلي، إنما في شخص إختارك كجارية، لا يعرف الحب ولا يقدر الجمال، إليك أجمل تحياتي، وأمنياتي لعل ما أختاره قلبك يكون جميلًا، ولكن ليس كجمالك المزيف.

لمحمد قدري