اسكريبت وجع
☆☆☆☆☆
ع البحر واقفين بنتين
ورد ... مش كفاية بقا ي مكة انسيه وعيشي بقا
مكة... مش قادرة ي ورد مش عارفه انساه رغم انه رد فعله ف أوقات كتير كان بيجرحني ويخذلني بس صدقيني مش عارفه
ورد... ي حبيبتي كده مش هتعرفي تعيشي
مكه.... صدقيني مش عايزه أعيش وهوا مش موجود عارفه ي ورد احيانا بحس انه محبنيش مجرد تعلق وخوصا يوم ماقولتله رده يومها صدمني اوووي عارفه وحشني صوته اووي وحشني لما كنا نتخانق و.....
ورد ... اتكلمي ي مكة يمكن ترتاحي وقلبك يرتاح من الوجع
مكة... ارتاح مبقاش ينفع الوجع اتحفر ف قلبي خلاص عارفه ان زعلت اووي منه آخر مره سمعت صوته فيها يومها اتخانقنا كنت عارفه انه مش هيسيبني انام زعلانه زي كل مرة بس هو خذلني وقتها سابني فترة طويلة زعلانه بقي قاسي ي ورد
ورد... وبردة بيوحشكك؟
مكة ... أيوه عارفه كان نفسي يتمسك بيا كان نفسي يضحي بحاجه ويمسك فيا بس هوا سابني لوحدي عشان حياته وقالي اختار وهنا صوت شهقتها بقي عالي
ورد ... حضنتها وبتحاول تهدي فيها . اهدي ي مكة عشان خاطري
مكة .. عارفه ي ورد حتي اخواتي كان نفسي وقت اما اكون مخنوقه اجري عليهم ويحاولوا يفرحوني لكن هما كمان بيأذوني نفسي ارجع زي ماكنت بضحك وقلبي سليم نفسي ابطل انام ودموعي ع خدي وابطل اقعد لوحدي مش عايزه ابقي قعدة مع بابا وماما وعيوني كلها حزن ودموع واسيبهم وأدخل أوضتي عشان دموعي متنزلش قدامهم
ورد.... انا جمبك ي قلبي لآخر العمر وفجأه حست ان جسم مكه تقل اوووي مكة انتي كويسه
وفجأه وقعت ع الارض وورد بتحاول تفوقها مفيش فايدة الاسعاف وصلت ونقلوهم المستشفي وورد اتصلت بأهلها وجم جري واقفين مستنين الدكتور يخرج
وخرج الدكتور الآنسة فاقت بس هنعملها شوية فحوصات عشان شاكين ف حاجه وحابين نطمن
ابو مكة.. طب هيا ممكن تخرج
الدكتور .. لا هيا هتفضل معانا يومين لحد مانتيجه التحليل تطلع
الكل ... تمام ممكن ندخل ليها
الدكتور .. أيوه اتفضلوا بس يريت محدش يزعلها واهتموا بأكلها شوية عشان هيا ضعيفه جداا
عدي يومين وجه يوم ظهور التحليل بتاع مكة
الدكتور لابو مكة . ممكن اتكلم معاك شوية لوحدنا
ابو مكة ماشي يابني وراحوا المكتب
الدكتور.. نتيجه التحليل طلعت . وبنت حضرتك طلع عندها كانسرر وف مرحلة متأخره ملهاش علاج فيريت تحاولوا تفرحوها الفترة دي
ابو مكة بصدمة .. طب مفيش اي أمل
الدكتور للأسف ادعوا ربنا ممكن يغير القدر
ابومكه ان شاء الله خير وسابه وخرج راح لمكه وبعد مدة عرفوا الأهل ومكه كمان عرفت وقالت انها راضية بقضاء ربنا ورجعوا بيتهم
بعد اسبوع كله بيحاول ميزعلش مكة وبيحاولوا يفرحوها دايما. وف مرة دخلوا عليها لقوها ساجده ع المصلية وفضلت وقت طويل اووي فجم يهزوها لاقوها ماتت صعدت روحها الطيبه اللي السماء
وبعد مدة من موتها باب أهلها خبط وجه شخص أول مرة يشوفوا
الشخص .. دا بيت مكه
الام بحزن أيوة مين حضرتك
انا .انا .مالك ممكن تندهيلها قوليلها اني رجعت وهطلب ايديها
عارف اني زعلتها كتير بس هيا هتسامحني انا عارف
ورد كانت هناك وطلعت ع الصوت لقيته هوا
ورد بزعيق انت اي اللي جابك هنا عايز اي تاني مش كفايه اللي هيا شافته
مالك..ورد قوليلها اني جيت انا والله بحبها وكان غصب عني كان لازم ابعد
ورد.. غصب عنك يا أخي حرام عليك انت دمرتها خليتها حبيتك ووثقت فيك وف الاخر بعتها واتخليت عنها وتقولي بحبها اللي بيحب مش بيوجع ي أستاذ مالك
مالك .. طب بس ناديلها وعلي صوته وفضل ينادي عليها مكة ي مكة مالك بص لورد انا عارف إنها زعلانه عشان كده مش بترد
ورد بحزن... ومش هترد ولا هتشوفها تاني
مالك ... لي انا هصالحها والله وانتي هتساعديني صح
ورد.. مكة ماتت
مالك بصدمه.. هههه انتي كدابه انا عارف انها جوة
ورد بصريخ افهم بقا بقولك ماتت ماتت وانت كنت السبب هيا اتعذبت من بعدك كتيرررر وماتت وكل دا بسببك انت
مالك .. ماتت يعني خلاص ضاعت تاني بس المرة دي مش هعرف أشوفها من بعيد حتي سابهم ونزل وهو تايه مش واخد باله من اي حاجه حواليه وفضل ماشي تايه بيلف ف الشوراع ومش عارف هو رايح فين لحد مالاقي نفسه ع البحر بص للبحر وقال ماتت خلاص سابتك انت كمان كنت ليها أكتر مكان بتحب تقعد تحكي مشاكلها فيه كنت بحس انها بتحبك أكتر مني بس ع الأقل انت فضلت معاها بس أنا بعتها واتخليت عنها وفضل يبكي وبعدين قام عشان يرجع بيته ماشي ف وسط الشوارع مش واخد باله من اي حاجه حواليه وفجأه عربيه سريعة ع الطريق جاية من بعيد خبطته وقع ع الأرض والناس اتلمت حواليه وبعد مدة جت الإسعاف وشالته
ودخل العمليات فونه رن وواحد من اللي كانوا معاه رد
المتصل . الوو
الشخص .. .الو صاحب التليفون دا عمل حادثه وهوا حاليا ف مستشفي******
اهله وصلوا وواقفين قدام غرفه العمليات
الدكتور واقف والممرضين حواليه وبيحاولوا ينقذوا المريض وفجأه القلب وقف وعملوا صدمات كهربا عشان ينعشوا القلب بس مفيش فايدة
طلع الدكتور وع وشه علامات الحزن
الاهل .. مالك كويس ي دكتور طمنا
الدكتور .. البقاء لله
••••••••
