حوار مع الكاتبه: سومية أشرف

اسمك / سومية أشرف " وتين " 

محافظة أسيوط

بدأت ازاي/ كنت بهرب من الحزن بالكتابة، كنت بحاول أفضفض بالقلم وكنت بحب الطريقة دي جدااا كنت بكتبها وبنشرها والاقي ايجابيه عليها، حبيت الكتابة اوووي واستمريت فيها.

ازاي اكتشفت موهبتك / من الابتدائية كنت بحب ألقي وتتكلم قدام ناس كتير وعندي الجرأه لكده، كنت بشارك في مسابقات كتير في المدرسة وبيت الثقافة في مركزي، كنت بكتب مقدمات ومقالات علطول بس مكنش فيه نوع من التوسع زي دلوقتي.

هل أول مبدأت كان في كلام مشجع/ في البداية لقيت الردود على كل حاجه بنزلها ايجابيه وكانت بتلمس معظمنا لأنها كانت فضفضة في البعض، ودائما صحابي مشجعيني جامد وكانوا دعمي في اللي بكتبة + والدتي وأختي.

واجهت الإنتقادات إزاي/ هو بصراحة النقد اللي جاني بإن معظم القصائد بتاعتي بتكون حزينه فنوعت فيها بس مازال الجزء الأكبر حزين ولأنه بيشد ناس كتير .

مين كان دعمك/ الدعم الأول ليا وسبب إني أطور كتاباتي كانت صديقتي " مي سيد " ومازالت تدفعني للأمام، ومامتي وأختي جدااا ، وصحابي ودفعتي.

بدأت تنزل كتاباتك أمتي على السوشيال/ يعني حوالي من سنه كده.

هل كان في سبب إنك تكمل في موهبتك / السبب إني أدعم نفسي بتحقيق نجاح بموهبتي، وأطور من نفسي أكتر، ومنكرش إني لما أشوف تقدم عند حد وخصوصا لو نفس المجال بيجيلي شعور بإني لازم أوصل واتقدم، وبيخلق في إصراري نوع من الغيرة، ولكنها ايجابيه جدا وبتساعدني في اني أخد خطوات ودفعه للأمام .

ازاي بتحاول تطور من نفسك / بشترك في كيانات وورش عمل وتدريب، بقرأ روايات بحيث أنمي الخيال عندي، بقرأ كتير، بسمع نصائح الأكبر مني في المجال واستفيد منها.

تحب تقول للكتاب اللي لسه في البداية إيه / ان الكتابه عمره ما كانت مسيرة هتأدي فيها رسالتك وتنهتهي، الكتابه حياة وهتلاقي نفسك فيها، أشعر بالكلام بقلبك وخليه يلمسه وهتطلع ابداع، حس بالحاجه وهتلاقيك مبدع، ومتيأسش لأنها بحر عمرك ما هتقدر تنهيه هتفضل تتعلم كتير وتكتسب خبرة واقف على رجليك بعد ما توقع مليون مرة ، مفيش حاجه بالساهل، ولو جاتلك الحاجه لغايه عندك بدون جهد متبصش عليها، عشان الحاجه اول ما تتعب فيها هتحس بطعم ولون تاني هيغير مجرى حياتك.

كلمني عن أعمال ليك قبل كدا / حصلت على العديد من الشهادات الالكترونيه ونزلت أول روايه ليا pdf والحمد لله نالت جزء كبير جدا من الإعجاب وكان ردود بنائه ومحفزة ليا ، وعجبهم اسلوبي وده اللي دفعني اني اكتب في الروايه التانيه ليا ، نزلت كتابين اقتباس pdf معظم الردود كانت عليهم بإنها بتمثل حالاتهم وبالتالي حسوها جزء منهم وده شئ أسعدني جدا، حاليا مشتركة في 3 كتب خواطر مجمعه هينزلوا معرض القاهرة الدولي للكتاب 2022 بإذن الله.

أنت راضي عن الحاجة اللي لانت فيها دلوقتي/ الحمد لله وراضيه بدرجه لا توصف وبحمد ربنا بكرمه عليا .

تحب تقول كلمه أخيرة / أحب أقول شكرا من قلبي لكل اللي دعمني ومع أنها لا تفي بالقدر، شكرا للي وقفوا جنبي وساعدوني، شكرا لكل كيان انا فيه واتعلمت منه .

اتشرفنا بحضرتك جدا

أسرة مراسيل لدعم المواهب الشابة .

بقلم المحررة: منة أحمد