(عبدالرحمن السبكي)
في يوم 16يناير 2017
قررت انا وابو الطفله المصابه بسرطان والي ديما حزينه قررنا نفرحها ونقلب الاوضه لمسرح مليان بلالين وهديا كتير عشان
نخرجها من حزنها بصراحه البنت اول مشافت الاوضه فرحت جامد والابتسامه العريضه بانت عليها والحمدالله ابوها كمان وانا كنا مبسوطين بسب ضحكتها الجميله وقعدت الطفله تصور كل الهديا والاوضه وحبت كمان تتصور معيا انا وابوها فسألتها على جنب انتي بتعملي كده ليه؟
كان ردها لان اللحظات الجميله لاتدوم !
بصراحه الكلمه حركتني من جوه وخلتني ادمع بس محبتش ازعلها وكملنا فرحتنا بس الكلمه مش راضيه تطلع من دماغي
قررت اني افرحها كل يوم وبقينا نخرج مع بعض كتير
وكانت بتبقى مبسوطه من كده حبيت اسألها اي الي مخليكي حزينه ؟
ردت بصراحه كان عندي صحاب كتير بس اول متعبت محدش زارني ولا حتى الفون رن
وسألتنى هو ليه انا جالي المرض ده وفي ناس كتير معندهاش
فقولتلها اذا احب الله عبدا ابتلاه
قالتلي يعن ربنا بيحبني ؟
اه اكيد
بصراحه البنت فرحت اوي وقالتلي اول مره اعرف حاجه زي دي وعمري مفكرت فيها لانها صعبه علينا
قولتلها لا ربنا بيحبك وده اختبار ولازم ننجح فيه صح
قالتلي انا مش هزعل نفسي تاني ولازم اشكر ربنا على الابتلاء ده
بصراحه فرحت اوي انها فهمت كلامي
ويوم28يناير2018حبيت اشتري سلسه زرقاء عشان انتبهت انها بتحب اللون الازرق
اشتريت السلسله وحطتها في بوكس وادتها الهديه بصراحه كانت مستغربه
وسألتني بمنسبه اي ؟
قولتها بمناسبه انك بدأتي تتحسني
بصراحه الفرحه كانت اتنين لم قولتها كده
وقالتلي انا لازم اصلي ركعتين شكراا لربنا
وهيا بتصلي حسيت ان ربنا ايشفيها من المرض ده بسبب شكرها لربنا لم ابتلاها وشكرها لي لم اتحسنت
خلصت ايمان الصلاه وقولتلها انشأالله ربنا ايشفكي بسبب شكرك لله وسبب صبرك
قالتلي بصراحه اول محضرتك قولتلي ان ربنا لو حب حد بيبتليه عشان يختبره
اتغيرت 180درجه وبدل ماكنت بقول لربنا اشمعنا انا بقيت باشكره على المرض ده وبقيت اقرأ قرآن يوميا عشان ربنا يحبني اكتر واتعلمت اني مزعلش على مرض او ابتلاء ي حصلي وان ده سببه حب ربنا فيا وبيبقى اختبار
بصراحه معرفتش امسك دموعي وفضلت اعيط فتره طويله
وقول لنفسي جمله صغيره تغير مسيره بنت الحمدالله وبصراحه دموعي دي كانت فرحه واكتشفت ان سعات ان مش كل العلاج بيبقى بدواء لا سعات بيبقى بنصيحه والكلمه الحلوه
في يوم 17يونيو2018
كانت ايمان اتعافت تماما من المرض ده
ويوميها اهدت لي هديه جميله جدا وهيا
ورقه مكتوب عليها اذا احب الله عبدا ابتلاه
ليست هناك تعليقات:
إرسال تعليق
دمتم بخير