حوار مع الكاتبه: مها بدر

اسمك:مها بدر جاد ||"كاديلاك"

بدأت إزاي: في البدايه كنت بكتب في نوت ليا ولما كتير شافها قال إنها جميلة وفي 2019 ابتديت اكتب رسمي بس برضو في نوت بس نصوص وخواطر وفي 2021 اشتركت في كيانات كتير أوي وابتديت اكتب علي السوشيال 

إزاي اكتشفت موهبتك: اكتشفتها لما مرة ف الثانويه حصل معايا موقف حطمني وكتبت وبعدها حسيت إن عندي الموهبه.

هل أول مبدأت كان في كلام مشجع:أه لقيت تشجيع من صحابي واختي إني أكمل والشيء ده عطاني حافز 

واجهت الإنتقادات إزاي

مين كان دعمك: 1_واجهت الانتقادات ف الاول كنت بتحطم واقف فترة عن الكتابه بس بعدين لقيت نفسي مصره عن الموضوع وبقيت بواجه الانتقاد بضحك واكمل عادي 2_ اختي ليها الفضل كله في إني اكمل واكتر حد كان بشجعني صحابي

بدأت تنزل كتاباتك أمتي؟ السوشيال: 2020 علي جروب ليت أنا وصحابي

هل كان في سبب إنك تكمل في موهبتك: لقيت نفسي كويسه في الموهبه دي وتستحق إني أكمل فيها.

إزاي بتحاول تطور من نفسك؟: بقرأ كتب كتير علم نفس ودينيه وادبيه بحب حنان لاشين جدا وعمرو عبدالحميد واحمد محمد توفيق ونجيب محفوظ.

تحب تقول للكتاب إلا لسه في البداية أي ؟:هتلاقي كتير يحبطك وهيقولوا ليك إن الكتابه شيء تافهه بس انت عندك موهبتك وانت موهوب كمل طريقك عافر لحد ما توصل كل حلم قابل إنه يتحقق بجهدك وتعبك عليه .

كلمني عن أعمال ليك قبل كدا

أنت راضي عن الحاجة إلا أنت فيها دلوقتي1_ مشتركة بي كيانات كتير (غسق-غيث-زادك-وحي القلم_حلم كاتب-مسيرة كاتب-) نزلت نصوص كتير علي جرائد إلكترونيه زي(لحن-لقاء القمر-وروكان) ليا كتابين إلكتروني(تلعثم أقلام-وواحد لسه بيجهز ) وكتاب ورقي اللحن السرمدي وآخر بيتم التجهيز ليه.

تحب تقول كلمة أخيرة: مش عيب إنك تقع وتقوم ولا عيب إنك تكسل بس العيب إنك تقع ومتقومش عافر وكمل في حلمك لحد ما توصل وخليك فخور بنفسك في كل خطوة بتاخدها وأي حلم قابل للتحقيق وأنت قد الخطوة وخليك دايما متوكل علي ربنا وواثق فيه.

اتشرفنا بحضرتك جدا 

أسرة جريدة مراسيل لدعم المواهب الشابة

بقلم المحررة: شهد كارم

حوار مع الكاتبه: منار على

اسمك: منار على(( آلمـلگ‏‏هہ)).

بدأت إزاي: كنت بكتب من فترة كبيرة بس كتابات عاميه ومكنتش بهتم أنى أطور من كتاباتى أو غيرة بس جربت أكتب فصحي وبدأت أعرضه لبعض الناس وحبو كتاباتى ومن بعدها من حوالى سنه بدأت فى مجال الكتابه وشاركة فى أكترمن كيان وعندى صفحات نشر بأسمى وبشارك فى جرايد للنشر.

إزاي اكتشفت موهبتك: كتبت كام نص ونشرتهم وعجبو الكتير وكتبت روايات ونزلتها فى جروبات.

هل أول مبدأت كان في كلام مشجع

واجهت الإنتقادات إزاي: أيوا كان فى دعم كتير من أصحابى وبقي عندى فنزات كتير وطبعا ده فرحنى وحفزنى أكتر وطبعا فى ناس كان بتنقد.

مين كان دعمك: صحبتي واختي الكاتبه: مى فارس وطبعا جميع أصحابي.

بدأت تنزل كتاباتك أمتي ع السوشيال: بدأت من فترة كبيرة بكتابات عاديه ومن حوالى سنه عملت صفحة بأسمى فى "الفيس، تليجرام، تويتر، انستا" وبدأت انشر فى بعض الجرايد مثل:" غزل، لحن، مراسيل، قضية الأيام" وبعض الكيان ايضاً.

هل كان في سبب إنك تكمل في موهبتك: طبعا سببي الأول هو حبي للكتابه وأنها مش مجرد موهبه بل هى شغف وراحه نفسيه بالنسبه ليا، وحب الناس ودعمهم بيحفزنى يوم بعد يوم إنى اكمل.

إزاي بتحاول تطور من نفسك: بحاول قدر الإمكان مغلطش فى الكتابه وأحضر ورشه للتعلم أكتر أبتكر وأحاول أكتب ببساطه علشان أوصل فكرتى للقراء وطبعا القراءة كتير والتعلم من خبرات السابقين.

تحب تقول للكتاب إلا لسه في البداية أي: أحب أقول إنى الكتابه حاجة حلوة أوى دى فن راقي، وعلى الكل المحاوله والتقدم والمسك بحلمه واتعب علشان توصل ومفيش حاجة بالساهل بس وقت ما توصل هترتاح وتقول إنى كل التعب ده ولا حاجه أمام فرحت النجاح والتألق. 

كلمني عن أعمال ليك قبل كدا: شاركت فى أكتر من كيان مثل" لطف، المستقبل، ملاك، كراكيب مدونه، همج لطيف، دارين، حلم بسيط وغيره من الكيانات" 

وبعض الكُتب الورقيه والإلكترونيه مثل " أرواح بالأقلام تتألق، سرداب، صياح الروح، الضجيج وغيره".

أنت راضي عن الحاجة إلا أنت فيها دلوقتي: الحمدلله لكنى مش هقف هنا لأنى عايزة أطور من نفسي أكتر وإن شاء الله هوصل لحلمى وهدفى.

تحب تقول كلمة أخيرة: أحب أشكر على الـ دعمنى وقلي كلمة حلوة فى يوم شكرا على تحفيزكم وكلامكم الحلو وإن شاء الله هكون عند حسن ظنكم جميعًا.

اتشرفنا بحضرتك جدا: وأنا أكتر 

أسرة جريدة مراسيل لدعم المواهب الشابة

بقلم المحررة: منة أحمد

حوار مع الكاتبه: شروق جمال

اسمك: شروق جمال عزام

بدأت إزاي :بدأت بخواطر وقصص قصيرة وكنت بكتب عامي واتطورت ل فصحى وهنا اتطورت موهبتي

إزاي اكتشفت موهبتك : بحب القراءة اووي وبحب اقرأ كتب كتير وقصص واكتشفت أن ممكن تكتب ويبقي ليا كتب

هل أول مبدأت كان في كلام مشجع:كان فيه بس الانتقاد كان اكتر 

واجهت الإنتقادات إزاي: مكنتش بحط كلام الناس ف دماغي وحاطة هدف ف دماغي وهوصلوا بإذن الله وكل ماحد يحبطني افتكر الايه دى(إن الله لا يضيع اجر من احسن عملا)

مين كان دعمك:اصدقائي واختي ومعظم الناس اللي شافوا حاجاتي وعجبتهم

بدأت تنزل كتاباتك أمتي ع السوشيال:من سنة تقريبا

هل كان في سبب إنك تكمل في موهبتك:ايوا طبعا أنا بحب موهبتي جدا وان شاء الله هكمل

إزاي بتحاول تطور من نفسك: اعمل حاجة ميكونش حد عملها والناس تستفيد منها

تحب تقول للكتاب إلا لسه في البداية أي:كمل طريقك واسعى وان شاء الله هتوصل لحلمك

كلمني عن أعمال ليك قبل كدا:الان لسه الكتاب مخلصش

أنت راضي عن الحاجة إلا أنت فيها دلوقتي:ايوا الحمدلله

تحب تقول كلمة أخيرة:احب اشكر بابا وماما من غيرهم مش هبقى اي حاجة دعموني كتير ربنا يخليهم ليا يارب واحب اشكر الكيان

اتشرفنا بحضرتك جدا 

أسرة جريدة مراسيل لدعم المواهب الشابة

بقلم المحررة: منة أحمد